Complete Songs Of Robert Burns - online book

Share page


	II. LOVE : GENERAL	137
	O, saw ye my dear, my Philly? O, saw ye my dear, my Philly? She's down i' the grove, she 's wi' a new love, She winna come hame to her Willy. What says she my dear, my Philly? What says she my dear, my Philly? She lets thee to wit she has thee forgot, And for ever disowns thee, her Willy. O, had I ne'er seen thee, my Philly! O, had I ne'er seen thee, my Philly! As light as the air, and fause as thou 's fair, Thou 's broken the heart o' thy Willy.
	No. 152. My luve is like a red, red rose. Tune : Major Graham Scots Musical Museum, 1796, No. 402.



	My luve is like a red, red rose, That's newly sprung in June : My luve is like the melodie, That's sweetly play'd in tune. As fair art thou, my bonie lass, So deep in luve am I, And I will luve thee still, my dear, Till a' the seas gang dry. Till a' the seas gang dry, my dear, And the rocks melt wi' the sun ! And I will luve thee still, my dear, While the sands o' life shall run. And fare-thee-weel, my only luve, \ And fare-thee-weel a while! ! ,. And I will come again, my Juve, J Tho' it were ten thousand mile.'